Rreth 30 raketa balistike iraniane u lëshuan drejt Izraelit në breshërinë e fundit të sulmit. Raportet fillestare tregojnë të paktën katër vende u goditën në Haifa, në Izraelin qendror dhe jugor.
Një zëdhënës i MDA-së tha se nga breshëria e fundit iraniane janë plagosur 21 persona, mes të cilëve edhe një djalë 16-vjeçar në gjendje të rëndë, me plagë nga shrapnela në pjesën e sipërme të trupit, dhe një burrë 54-vjeçar në gjendje të moderuar me një plagë nga shrapnela në gjymtyrët e poshtme.
Shefi i shtabit të IDF thotë se për të hequr kërcënimin iranian, izraelitët ‘duhet të jenë të përgatitur për një fushatë të zgjatur’
Shefi i Shtabit të Përgjithshëm, Toger Gjenerali Eyal Zamir tha se “për të larguar një kërcënim të një madhësie të tillë, kundër një armiku të tillë, ne duhet të jemi gati për një fushatë të zgjatur. Forcat Mbrojtëse të Izraelit janë të përgatitura. Ditë pas dite, liria jonë për të vepruar po zgjerohet, dhe ajo e armikut po ngushtohet”.
