Një 55 vjeçar nga Kosova është arrestuar dje në pikën kufitare Bllacë, në kufirin mes Maqedonisë së Veriut dhe Kosovës, pasi që kishte fletarrest nga Serbia.
Lajmi është konfirmuar nga Ministria e Punëve të Brendshme e Maqedonisë.
“Më datë 14.02.2025 në ora 14.10 në pikën kufitare “Bllacë” në hyrje të vendit, zyrtarët policorë kanë privuar nga liria E.B (55) nga Kosova pasi gjatë një kontrolli dhe kontrolli pasaportash është konstatuar se ai ishte regjistruar me masë “arrest” me kërkesë të Interpolit”, thuhet në njoftimin e MPB-së.
Bëhet e ditur se ai i është dorëzuar punonjësve të policisë së Interpolit për procedim të mëtejshëm.
