Dy persona janë arrestuar sot për shkak të ndezjes së fishekzjarrëve në orët e vona të mbrëmjes.
Më saktësisht rreth orës 01:00, në afërsi të hotelit ku është vendosur Kombëtarja e Turqisë, u panë fishekzjarrë të shumtë, që duket se kishin për qëllim për të mos i lënë të flenë yjet e Kombëtares turke.
E i menjëhershëm ka qenë reagimi i Policisë së Kosovës, të cilët i kanë arrestuar dy persona përgjegjës.
“Dy persona janë të arrestuar, rasti është cilësuar si ‘shkaktim i rrezikut të përgjithshëm’, ndërsa personat në fjalë janë dërguar në mbajtje prej 48 orësh”, njofton Enis Pllana, zyrtar për media për rajonin e prishtinës në policinë e Kosovës.
