Vlora Çitaku, kandidate për deputete nga radhët e PDK-së, ka komentuar intervistën e Glauk Konjufcës, nënkryetar i VV-së.
Çitaku ka vlerësuar se Konjufca ka lëshuar pe në gjithçka.
Tutje, ajo u ka ofruar një “këshillë miqësore” VV-së.
“Konjufca dje paska folur sikur ta kishte dorëzuar librezën e Vetëvendosjes në hyrje të “Pressing”-ut në T7. Në njërën anë dalin me thirrje patetike “Mos lësho pe”. Ndërsa, në anën tjetër, Konjufca vetë paska lëshuar pe në gjithçka.
Madje, e paska lëshuar edhe Vetëvendosjen, gjuhën e saj, arrogancën e saj, dështimet e saj. Pesë vjet në pushtet i paska shndërruar në amnezi politike. Paska folur sikur të ishte një mysafir i rastit në historinë e Vetëvendosjes” – ka shkruar ajo.
