Lajmi i fundjavës se Juliana Nura po bën përpjekje për t’u bërë nënë, mbushi mediat rozë. Ish-banorja e Big Brother Kosova është në kërkim të një fëmije me metodën IVF.
Por detaji mister në gjithë këtë histori, ishte se kush do të ishte babai: nëse fëmija do të ishte frut i një donatori anonim, apo Xhuli ka një lidhje të konsoliduar në jetën e saj.
Lidhja e saj e fundit e deklaruar përfundoi pak kohë më parë dhe nuk ka patur të dhëna për ndonjë marrëdhënie të re.
Por mbrëmë, ajo ka ndarë një foto që ka shtuar dyshimet e publikut. Në imazh shihet një moment mjaft i afërt e intim me një mashkull të veshur në mënyrë elegante, ndërsa muzika e përzgjedhur në sfond e bën skenën edhe më enigmatike.
Nuk dihet nëse është partneri i saj, apo thjesht Xhuli ka preferuar ‘t’i hedhë benzinë zjarrit’.
