Një aeroplan i Air China, që ishte nisur nga Heathrow i Londrës për në Pekin, ka bërë një ulje emergjente në qytetin Nizhnevartovsk të Siberisë, këtë mëngjes.
Sipas mediave britanike, aeroplani Boeing 777-39L(ER) kishte 311 persona në bord dhe raportoi një defekt në motor gjatë fluturimit mbi hapësirën ajrore ruse.
Pamjet e publikuara nga mediat tregojnë momentin kur avioni ulet në qytetin e largët në rajonin autonom Khanty-Mansi të Rusisë.
Sipas informacioneve, ulja ka ndodhur në orën 08:17 sipas kohës lokale. Për ngjarjen ka folur edhe një dëshmitar okular për medien ruse Baza, e afërt me shërbimet e sigurisë:
“Shërbimet e aeroportit ishin në gatishmëri të lartë për mysafirin e papritur”.
