Kandidati për deputet nga Partia Demokratike e Kosovës (PDK), Gjeneral Rrahman Rama, ka zhvilluar një takim me qytetarët e Mitrovicës, ku ka prezantuar vizionin e tij për të ardhmen e vendit. Në një postim në rrjetet sociale, Rama e përshkroi atmosferën si jashtëzakonisht pozitive dhe inkurajuese.
“Mbrëmje e bukur sonte në Mitrovicë, ku pata rastin të diskutoj me shumë qytetarë. Atmosfera e sontme është dëshmi se të gjithë po e përqafojnë planin #mamirë për Kosovën,” ka shkruar ai.
Në këtë takim, Rama ka folur për prioritetet e tij si kandidat për deputet, duke theksuar rëndësinë e zhvillimit ekonomik, përmirësimit të jetës së qytetarëve dhe ruajtjes së vlerave kombëtare.
