Rike Roçi, duket se është e gatshme të bëjë gjithçka për dashurinë. E ftuar në programin “Më prit të dielën” Rikja, ndau rrëfime për herë të parë rreth jetës së saj sentimentale.
Ish-banorja e Big Brother tha se ajo investohet shumë në një lidhje, madje vitet që mungoi në ekran, ishin për shkak se ia kishte kërkuar partneri i saj.
“Jam zhdukur për disa vite nga ekrani. Kjo për dashurinë, pra unë u riktheva me Big-un pas shumë vitesh që isha larg ekranit. Kjo sepse isha e lidhur me një person që nuk donte që unë të isha pjesë e ekranit. Këtë kompromis e bëra sepse e doja. S’jam penduar për asgjë”.
Rikja vijoi të rrëfejë se nuk është penduar për veprimet e saj, edhe pse çuditërisht është tradhtuar gjithmonë. Ajo shtoi se meshkujt e kanë lënë për vajza me më shumë ndërhyrje estetike, për të cilat thotë se vet s’ka bërë asgjë.
