Zëdhënësi i Kremlinit, Dmitry Peskov, ka bërë të ditur të enjten se Rusia po vazhdon të shqyrtojë deklaratat e fundit të presidentit amerikan, Donald Trump, i cili e kishte paralajmëruar vendosjen e tarifave dytësore ndaj Moskës nëse lufta në Ukrainë nuk përfundon brenda 50 ditëve.
Sipas agjencisë së lajmeve Reuters, reagimi i Rusisë deri më tani ka qenë i rezervuar dhe i ftohtë karshi paralajmërimit të Trumpit, duke u shprehur se vendimet e mundshme të presidentit amerikan dhe të NATO-s mund të interpretohen nga Kievi si nxitje për vazhdimin e luftës.
Ndërkohë, presidenti rus Vladimir Putin ende nuk ka dhënë ndonjë reagim zyrtar lidhur me deklaratën e Trumpit.
