Mediat iraniane raportojnë për sulme të reja izraelite në perëndim të Iranit, raporton BBC.
Agjencia e lajmeve Tasnim, e lidhur me Gardat Revolucionare të Iranit (IRGC), njofton se Izraeli ka “sulmuar brutalisht godinën e repartit të zjarrfikësve në komunën Musiyan” në provincën Ilam, pranë kufirit me Irakun.
Raportohet gjithashtu se janë rrëzuar dronë.
Ndërkohë, agjencia Fars, gjithashtu e lidhur me IRGC-në, raporton se një spital është goditur gjatë sulmeve.
Vlen të përmendet se gazetarët e BBC-së nuk mund të raportojnë nga brenda Iranit për shkak të kufizimeve nga qeveria iraniane.
