Të paktën shtatë persona kanë humbur jetën dhe 69 të tjerë janë lënduar pasi një urë autostrade u shemb mbi shinat e trenit në rajonin Bryansk të Rusisë, pranë kufirit me Ukrainën, njoftuan autoritetet ruse të dielën në mëngjes.
Shembja e urës ndodhi në momentin kur një tren po i afrohej zonës, duke shkaktuar daljen e tij nga shinat dhe pasojë tragjike për pasagjerët dhe stafin.
Fillimisht, Hekurudhat Ruse njoftuan përmes platformës Telegram se shembja ishte rezultat i një “ndërhyrjeje të paligjshme në funksionimin e transportit”, por më vonë ky postim u fshi pa sqarime të mëtejshme, transmeton Reuters.
Autoritetet po hetojnë shkaqet e incidentit, ndërsa rajoni i Bryanskut është raportuar më parë si zonë me tensione të shtuara për shkak të afërsisë me Ukrainën.
