Reperi i njohur shqiptar, Noizy, ka lansuar projektin e tij më të ri muzikor, kësaj radhe në bashkëpunim me këngëtaren Kida.
Kënga, e titulluar “Shoqe”, është publikuar të mërkurën, më 28 maj, dhe që në minutat e parë pas publikimit ka marrë vëmendje të madhe nga publiku.
Brenda gjysmë ore, kënga ka arritur mbi 40 mijë klikime në platformën YouTube, duke u pritur me entuziazëm nga fansat e të dy artistëve.
Projekti është i shoqëruar me videoklip dhe mban vulën e produksionit “EngliVersal”. Teksti i këngës është shkruar nga vetë dyshja, të cilët kanë bashkëpunuar edhe në realizimin e melodisë dhe atmosferës vizuale të klipit.
