Presidenca e Sirisë në njoftimin që kanë publikuar për takimin e presidentit të tyre Ahmad Al-Shara me presidenten e Republikës së Kosovës, Vjosa Osmani, i janë referuar Kosovës si Republikë, ani pse Siria ende nuk e ka njohur zyrtarisht pavarësinë e Republikës së Kosovës.
“Presidenti i Republikës Arabe të Sirisë, z. Ahmad Al-Shara, dhe Shkëlqesia e Tij, Ministri i Punëve të Jashtme, z. Asaad Al-Shaibani, u takuan me Presidenten e Republikës së Kosovës, znj. Vjosa Osmani, në margjinat e Forumit Diplomatik të Antalisë”, thuhet në njoftimin që ka publikuar presidenca e Sirisë.
Në takimin mes dy presidentëve i mbajtur në Turqi, kanë qenë në tavolinë edhe flamujt shtetëror.
Teksa, presidentja Osmani e ka konsideruar këtë takim si hapje e rrugës së bashkëpunimit mes dy shteteve.
رئيس الجمهورية العربية السورية السيد أحمد الشرع ومعالي وزير الخارجية السيد أسعد الشيباني يلتقيان رئيسة جمهورية كوسوفو السيدة فيوسا عثماني، على هامش منتدى أنطاليا الدبلوماسي#رئاسة_الجمهورية_العربية_السورية pic.twitter.com/RtfAFxULB6— رئاسة الجمهورية العربية السورية (@G_CSyria)April 11, 2025
