Pas pesë ditësh që konsiderohej e zhdukur, 42-vjeçarja nga Gjakova është gjetur nga policia dhe ka deklaruar se ishte larguar me dëshirën e saj, pasi kishte vendosur të jetojë me të dashurin, me të cilin kishte qenë në lidhje prej rreth pesë muajsh.
Gazeta merr vesh se bëhet fjalë për Gj.Q, zhdukja e saj ishte raportuar më 05 prill 2025, rreth orës 06:00 të mëngjesit, nga bashkëshorti i saj, B.Q.
Pas hetimeve të kryera nga operativo-hetimore të Njësisë së Hetimeve, dje është arritur të lokalizohet vendndodhja e saj.
E njëjta, pas intervistimit, ajo është kthyer te partneri i saj, duke thënë: “Ika te i dashuri, nuk dua të kthehem më te burri”.
Lidhur me detajet e rastit, është vënë në dijeni edhe Prokurori, derisa rasti është mbyllur si “person i gjetur”.
