Një rasti i zhdukjes së një personi u raportua në Prizren, ku një këngëtar u raportua si i zhdukur për disa ditë me radhë. Pas një kërkimi intensiv, ai është paraqitur vetë në Polici, ku ka rrëfyer me emocion arsyet që e shtynë të largohej pa gjurmë.
Personi, siç merr vesh Gazeta është raportuar i zhdukur nga bashkëshortja e tij.
Gazeta merr vesh ekskluzivisht se bëhet fjalë për këngëtarin Vllaznim Krasniqi, i cili më 6 prill, kishte shkuar në vendin e punës në një lokal nate në Topliqan të Suharekës, ku edhe këndon.
Bashkëshortja e tij, e cila e raportoi rastin më 09 prill, siç merr vesh Gazeta kishte deklaruar në Polici, se nuk kishte më asnjë kontakt me të dhe se ai ishte larguar pa lënë gjurmë.
Ajo kishte përshkruar edhe pamjen e jashtme të tij dhe veshjen që kishte pasur, si dhe tatuazhet që mban në trup.
Por, vetëm pak orë pas raportimit, Krasniqi është paraqitur vetë në Stacionin Policor në Prizren, ku ka deklaruar se ishte larguar me vullnet të plotë dhe se nuk dëshiron më të jetojë me bashkëshorten, për shkak të problemeve që thotë se ka me të.
Ai siç ka mësuar Gazeta bërë të ditur se gjatë këtyre ditëve kishte qëndruar në motele të ndryshme në Prizren, duke shmangur kontaktet me bashkëshorten e tij.
Lidhur me rastin janë njoftuar hetuesi policorë dhe prokurori i shtetit, ndërsa rasti është mbyllur si “person i gjetur”.
