Sekretarja e Përgjithshme e PDK-së, Vlora Çitaku, ka reaguar ndaj vendimit të PZAP-së, i cili e ka dënuar me 35 mijë euro partinë pushtet për shkak se aktivistët e saj provokuan në Skenderaj duke ngritur tre gishtërinjtë.
Ajo e ka pyetur VV-në se çka ka dashur të thotë me këtë provokim.
Në profilin e saj në “Facebook”, Çitaku ka shkruar se ky akt i shëmtuar nuk është vetëm provokim.
“Ne Drenicë me tre gishta?! E pashë Zotin, çka saktësisht keni dashur t’u thoni drenicasve?! Ky akt i shëmtuar nuk është vetëm provokim. Është përbuzje. Urrejtje. Patologji. Vend i vogël jemi për ta përtypur gjithë këtë vrer e helm. Marre!”, ka shkruar Çitaku.
