Më 1 janar, Gjenerali Lahi Brahimaj kujtoi me nderim dhe respekt të thellë nënën Azë, një figurë emblematike jo vetëm për familjen e tij, por për gjithë popullin shqiptar dhe UÇK-në.
Në një mesazh emocionues, gjenerali Brahimaj theksoi rolin e jashtëzakonshëm të saj në mbështetjen e luftës për liri dhe sakrificën e pashoqe për Kosovën.
“Si çdo herë tjetër, vitin e nis në nderime tek varri i saj, ku nëna Azë prehet në Shqiponjë. Ajo nuk ishte vetëm nëna jonë, ishte nëna e UÇK-së dhe simbol i luftës dhe lirisë,” shprehet Brahimaj.
Nëna Azë, e njohur për forcën dhe përkushtimin e saj ndaj idealeve të lirisë, ka lënë pas një trashëgimi të paharrueshme për brezat e ardhshëm. Mesazhi i Brahimajt përfundon me fjalët prekëse: “Prehu në Kosovën që aq shumë e deshte, nënë e dashur, nëna Azë.”
Ky përkujtim vjen si një kujtesë e fortë për sakrificat e mëdha që u bënë për pavarësinë e Kosovës, ndërsa figura e nënës Azë mbetet e gjallë në zemrat e të gjithë atyre që e njohën dhe që frymëzohen nga historia e saj. 🇦🇱
