Fjolla Morina ka qenë mbrëmë (e martë) e ftuar në “Krejt n’debat” për të komentuar më shumë rreth politikës dhe zgjedhjeve të ardhshme.
Ajo ndër të tjerash ka folur edhe për jetën private, duke qenë se një kohë ka qenë më e distancuar nga mediat dhe shtypi rozë.
Këngëtarja e njohur thekson se ka nisur një romancë të re dashurie me një shqiptar, por që jeton në Dubai.
Mes tjerash, artistja u shpreh se do të martohet vitin e ardhshëm, gjegjësisht në prill.
“Po është biznismen. Nuk jeton këtu por në Dubai. Shqiptar por me biznese në Dubai”, tha ajo.
Zeshkania shtoi; “Një martesë shumë shpejt. Vitin tjetër e kemi lënë për ditëlindje. Në Prill. Më 15 prill. Ishalla nuk i bi pishman. Jemi në bisedime. Ky djali po më do shumë, por nuk i dihet. Jam shumë e lumtur”.
Vlen të ceket se lidhja e fundit publike dhe shumë e komentuar e Fjollës ka qenë ajo me Fisnik Sylën.
