Një qytetar ka dorëzuar në stacionin policor të Vushtrrisë një portofol me një shumë parash, të cilin ka deklaruar se e kishte gjetur në rrugë.
Meqenëse brenda portofolit nuk është gjetur asnjë dokument identifikues, Policia e Kosovës kërkon ndihmën e qytetarëve për të rënë në gjurmë të pronarit të tyre.
“Ftohet personi që e ka humbur portofolin apo kushdo që ka informacione që mund të ndihmojnë në identifikimin e pronarit, të paraqitet në Stacionin Policor në Vushtrri, ku pas verifikimit të rrethanave dhe dëshmive përkatëse do t’i dorëzohet pronarit legjitim”, thotë policia në një njoftim.
