Kryetarja e Kuvendit të Kosovës, Albulena Haxhiu, ka hapur punimet e seancës ku pritet të shqyrtohet dhe votohet ndryshimi i Ligjit për Dhomat e Specializuara, të njohura si Gjykata Speciale.
Në sallë janë të pranishëm 101 deputetë, ndërsa seanca ka nisur pas tensioneve dhe protestave të zhvilluara para objektit të Kuvendit.
Në rend dite është shqyrtimi i ndryshimeve të Ligjit për Specialen, për të cilat ditëve të fundit është kërkuar publikisht vota e deputetëve.
Ndërkohë, para Kuvendit vazhdojnë të qëndrojnë protestuesit dhe veteranët e UÇK-së, të cilët kërkojnë nga deputetët që të votojnë pro ndryshimeve të ligjit.
