Një 44-vjeçar është raportuar i zhdukur në Fushë Kosovë, pasi familjarët e tij nuk kanë arritur të vendosin kontakt me të dhe nuk kanë informacione për vendndodhjen e tij.
Burimet bëjnë me dije se bëhet fjalë për Florim Belushkajn, për të cilin më 22 shtator, rreth orës 17:00, është pranuar informata se nuk po përgjigjej në telefon dhe se nuk kishte të dhëna të konfirmuara për vendndodhjen e tij.
Sipas informacioneve që ka siguruar Sinjali, kishte vetëm pretendime se 44-vjeçari mund të ndodhej në zonën e rrugës “Amir Elmazi” në Fushë Kosovë.
Familjarët e tij janë kontaktuar lidhur me rastin, por kanë deklaruar se nuk kanë ndonjë informacion konkret për vendndodhjen e Florim Belushkajt. Ata kanë bërë me dije vetëm se numri i tij i telefonit është bllokuar.
Pas konsultimit me Prokurorin e Krimeve të Rënda, rasti është iniciuar si “Person i zhdukur”, ndërsa po vazhdojnë veprimet për lokalizimin e tij dhe sqarimin e rrethanave të zhdukjes.
