Sindikata e Re e Korporatës Energjetike të Kosovës ka zhvilluar aksion simbolik para zyrave të KEK-ut, në Prishtinë, pas vdekjes së katër punëtorëve gjatë vitit 2026.
Gjatë këtij aksioni sombolik është bërë thirrje për kushte më të mira për punëtorët.
Kryetari i Sindikatës së Re të KEK-ut, Xhelal Jashari ka theksuar se punëtorët në Kosovë nuk kanë mbrojtjen e duhur ligjore.
“Njëmijë herë faleminderit mediave të Kosovës për senzibilizimin e të gjitha rasteve që po ndodhin në Kosovë, të punëtorëve që po e humbin jetën. Ju jeni ata të cilët më së sakti dhe më së miri po e transmetoni se si punëtorët e Kosovës nuk kanë mbrojtje ligjore, si punëtorët e Kosovës humbin jetën pa u respektuar ligji i punës.
Ne sot si sindikatë e KEK-ut, me një aksion simbolik para drejtorisë dhe menaxhmentit të KEK-ut, vendosëm disa fotografi të kolegëve tanë që kanë humbur jetën në vendin e punës.
