Deputeti i Lidhjes Demokratike të Kosovës (LDK), Arben Gashi, ka reaguar lidhur me tensionet e krijuara në Kuvendin e Kosovës, duke kërkuar një qëndrim më të qartë nga partia e tij.
Gashi ka deklaruar se situata në Kuvend po përshkallëzohet dhe se vendi ka nevojë për dialog e maturi politike.
“Faktikisht, Kosovës po i mungon LDK-ja. Po i mungon fryma Rugoviane. Sepse kur institucionet bllokohen dhe tensionet rriten, Kosovës i duhet më shumë dialog, maturi, shtet dhe Republikë. Është koha që LDK-ja të flasë”, ka shkruar Gashi.
Ai ka paralajmëruar se situata në Kuvend po shkon drejt përplasjeve fizike, ndërsa sipas tij vazhdon edhe insistimi për bllokimin e punës së institucionit.
Reagimi i Gashit vjen në një kohë kur përplasjet politike në Kuvend kanë rritur tensionet mes deputetëve dhe partitë politike nuk kanë arritur ende një zgjidhje për situatën e krijuar.
