Kandidatja për deputete, Adelina Thaçi, ka falënderuar mbështetësit e saj pas përfundimit të procesit zgjedhor, duke shprehur mirënjohje për votat dhe besimin e marrë gjatë fushatës.
Në një reagim publik, Thaçi theksoi se çdo votë e marrë për të përfaqëson më shumë se një numër, duke e cilësuar si përgjegjësi, respekt dhe motivim për të vazhduar angazhimin e saj politik dhe publik
“Edhe pse këtë herë nuk arrita të jem pjesë e Kuvendit si deputete, ndihem krenare dhe mirënjohëse për mbështetjen e jashtëzakonshme që mora,” u shpreh ajo, duke shtuar se humbja e mandatit nuk nënkupton humbje të vlerave dhe idealeve për të cilat ka qëndruar.
Ajo theksoi gjithashtu se rrugëtimi politik nuk matet vetëm me rezultate zgjedhore, por edhe me ndikimin, njerëzit e takuar dhe besimin e ndërtuar ndër vite.
Në fund të deklaratës së saj, Thaçi u zotua se do të vazhdojë të jetë aktive dhe të kontribuojë në shoqëri, duke punuar për të mirën e vendit dhe duke mbetur zë i mbështetësve të saj.
“Faleminderit për çdo votë, çdo fjalë të mirë dhe çdo zemër që më besoi,” përfundoi ajo
