Deputetja e Partisë Demokratike të Kosovës (PDK), Vlora Çitaku, ka reaguar përmes një postimi në Facebook, duke kritikuar ushtruesen e detyrës së presidentes, Albulena Haxhiu, dhe ish-presidenten Vjosa Osmani, për fokusin në debatet në rrjete sociale.
Sipas Çitakut, vëmendja duhet të përqendrohet te problemet reale me të cilat përballen qytetarët, si çmimet e larta, situata në sektorin energjetik, pagat dhe pensionet.
Postimi i plotë:
Pashë Zotin, a për llogari të Facebook-ut dhe Twitter-it po bëni beteja?
Kjo është tallje me qytetarët. Hajgare koti. Inate provinciale.
Po punë e madhe kush e ka Facebook-un.
Punë vërtetë e madhe janë çmimet e papërballueshme të gjërave më bazike. Punë vërtetë e madhe është mafia energjetike.
Punë vërtetë e madhe janë rrogat e ulëta, që i kanë sjellë punëtorët tanë në prag të varfërisë.
Pensionet poshtëruese, me të cilat nuk përballohen as ilaçet.
Këto janë hallet.
