Blerta Kllokoqi-Rugova, bashkëshortja e deputetit të LDK-së, Ukë Rugova, ka ngritur kartonin e kuq për çmimet e derivateve në vend.
Derisa gjatë të dielës çmimi i naftës ka shkuar në 1.91 euro, Kllokoqi-Rugova thotë se nafta nuk është luks por nevojë.
Ajo ka postuar një video të gjeneruar me inteligjencë artificiale ku siç thotë “për të shprehur një ide dhe një realitet që po e jetojmë”.
Në të njëjtën kohë, ajo i ka bërë thirrje institucioneve shtetërore të ndërhyjnë përmes politikave fiskale, konkretisht duke ulur akcizën dhe TVSH-në.
“Nafta nuk është luks. Është nevojë. Në shumë vende, kur çmimet rriten, shteti reagon.
Ul akcizën. Ul TVSH-në. Që qytetari të marrë frymë. Dhe kur shteti nuk reagon nafta më nuk hidhet në makinë si duhet, por kursehet si parfum dhe qytetari detyrohet me u përshtatë me absurditetin”, shkruan ajo krahas videos së publikuar.
