Profesori Enver Hasani thotë se fati i zgjedhjeve varet nga vendimi i Gjykatës Kushtetuese të Republikës së Kosovës.
Profesori i së drejtës ndërkombëtare, Enver Hasani, ka deklaruar se dyshon që Gjykata Kushtetuese e Republikës së Kosovës do të vendosë masë të përkohshme lidhur me çështjen e dekretit të presidentes për shpërndarjen e Kuvendit.
Sipas Hasanit, nëse Gjykata nuk vendos një masë të tillë, atëherë procesi për organizimin e zgjedhjeve mund të vazhdojë sipas propozimeve që janë bërë nga partitë politike në Kosovo.
Ai theksoi se fati i konsultimeve dhe i vetë zgjedhjeve varet nga vendimi i Kushtetueses, e cila mund të vendosë nëse do të pezullojë përkohësisht dekretin apo jo.
“Nëse nuk vendoset masë e përkohshme, atëherë zgjedhjet mund të mbahen siç kanë propozuar partitë”, ka thënë Hasani.
