Drejtori i Institutit Sizmologjik të Kosovës, Shemsi Mustafa, deklaroi se territorit i Kosovës është goditur mbrëmjen e sotme nga një tërmet me magnitudë 4.8 sipas shkallës Rihter.
Ai bëri të ditur se tërmeti kishte intensitet VI ballë të shkallës së Merkalit dhe thellësi hipoqendrore 5 km.
“Bazuar në Rrjetin Sizmologjik, Shërbimi Gjeologjik i Kosovës dhe Qendrës Sizmike Euro-Mediterane, si dhe në analizën numerike të të dhënave të ngjarjes sizmike, më 10/02/2026 n’ora 22:05 sipas kohës lokale, Territori i Kosovës (zona Juglindore e Kosovës) është goditur me një tërmet me magnitudë 4.8 sipas shkallës Rihter, përkatësisht me intensitet VI ballë të Merkalit
Thellësia hipoqendrore ishte 5 km. Epiqendra e këtij tërmeti ishte (Lokacioni me koordinata Gjeografike; 42.144; 20.985) 23 km Lindje të Prizrenit”, tha ai.
Po ashtu, Mustafa theksoi se tërmeti ishte i ndjerë qartë nga qytetarët e Kosovës dhe kishte potencial për të shkaktuar dëme materiale.
Ai vuri në dukje se tërmetet tregojnë aktivitetin sizmik të zonës së Prizrenit, sipas studimeve dhe Hartës së Rrezikut Sizmik për Kosovën.
“Tërmeti në fjalë është ndier dukshëm nga qytetarët e Kosovës. Ky sizmicitet kishte potencialin të rrezikon qytetaret dhe shkakton ndonjë dëm material për shkak të forcës se lart, njëherësh këto tërmete dëshmojnë për zonën sizmogjene të Prizrenit, që është zonë aktive, ashtu edhe sipas llogaritjeve dhe studimeve të paraqitura me Hartën e Rrezikut Sizmik për Kosovë”, përfundoi Mustafa.
