Anëtarë të Rinisë Demokratike të Kosovës kanë mbajtur sonte një aksion simbolik para Qeverisë së Kosovës, në shenjë proteste për mungesën e energjisë elektrike dhe paralajmërimit për rritjen e radhës së çmimit të saj.
Gjatë këtij aksioni është vendosur një batanije dhe disa qirinj, si simbol i pakënaqësisë ndaj deklaratave të kryeministrit në detyrë,Albin Kurti, i cili ka fajësuar qytetarët për krizën energjetike, duke pretenduar se “po ngrohen më shumë sesa që duhet”.
