Partia Demokratike e Kosovës ka prezantuar kandidaturën e Shqipe Krasniqit, e cila garon me numrin 46 në zgjedhjet e 28 dhjetorit. Krasniqi vjen nga një prej familjeve më të njohura të luftës dhe rezistencës shqiptare, duke u lidhur ngushtë me figurën e Xhevë Krasniqi-Lladrovcit, simbol i qëndresës dhe guximit femëror gjatë luftës së fundit në Kosovë.
Shqipe Krasniqi është vajza e atdhetarit Avdyl Krasniqi, i cili për vite me radhë u përkushtua çështjes kombëtare. Sipas përfaqësuesve të PDK-së, angazhimi i saj politik shihet si vazhdimësi e vlerave familjare të sakrificës, dinjitetit dhe përgjegjësisë historike që kjo familje ka mbartur.
Krasniqi përshkruhet si një kandidate që synon të përfaqësojë zërin e qytetarëve që besojnë në punë profesionale, integritet dhe ruajtje të vlerave të luftës, duke u mbështetur në trashëgiminë që i ka lënë familja e saj.
PDK thekson se kandidatura e saj është një kombinim i historisë së familjes Krasniqi me angazhimin politik për të ardhmen, ndërsa numri 46 shihet si një emër që mbështetet në histori, por synon të prodhojë rezultate për të nesërmen.
Numri 46 – një emër që mbështetet në histori, por punon për të ardhmen.
