Në shumicën e komunave të Kosovës tashmë ka përfunduar numërimi i votave për zgjedhjet lokale.
Sipas rezultateve të publikuara nga Komisioni Qendror i Zgjedhjeve (KQZ), Lëvizja Vetëvendosje ka arritur të fitojë në komunat e Mitrovicës, Gjilanit, Fushë Kosovës dhe Obiliqit.
Partia Demokratike e Kosovës (PDK) ka siguruar fitore në tri komuna: Prizren, Vushtrri dhe Kaçanik, pas balotazhit.
Ndërkohë, Lidhja Demokratike e Kosovës (LDK) ka dalë fituese në Prishtinë, Pejë, Viti, Dragash dhe Junik.
Aleanca për Ardhmërinë e Kosovës (AAK) ka fituar në komunat e Gjakovës, Suharekës, Klinës dhe Rahovecit.
