Zëdhënësi i Aleancës, Kushtrim Xhemaili, ka thën se përfaqësuesit e Vetëvendosjes, nga frika e asaj që i pret nga lideri i tyre, po garojnë mes vete se kush po i shërben më shumë Dejonës.
Ai ka kritikuar edhe kryeprokurorin e ri, duke thënë se, në vend që të fokusohej te krimet dhe rastet e rënda që po ndodhin në vend, emërimi i tij, sipas Xhemailit, u ka bërë argatin Fitores Pacolli, Faton Pecit dhe Liburn Aliut, të cilët kanë njoftuar për pushimin e hetimeve ndaj tyre për korrupsion.
Postimi:
Keta të Vetëvendosjes, në panik e nga frika prej asaj çka i pret nga lideri i tyre suprem këtë ditë, kanë eskaluar totalisht duke u shtyrë se kush po ia bën argatin më shumë Dejonës.
Në të njëjtën kohë, në vend që kryeprokurori i ri të fokusohej te qindra krime në ditë që ndodhin në të gjitha sferat dhe te rasti i rëndë i fundit, emërimi i tij ia paska bërë argatin Fitore Pacollit, Faton Pecit e Liburn Aliut, të cilët njoftuan se paskan pushuar hetimet ndaj tyre për korrupsion.
E po, keni të drejtë që po frikësoheni nga Aleanca.
Qeveri e turpit, qeveria e dështimit!
Qeveri e hajnave, që i sakrifikon disa me i ruajt ata që vjedhin për të.
