Prokuroria Themelore në Prishtinë ka dhënë detaje lidhur me vrasjen e Agron Hajdarit në lagjen “Bregu i Diellit” në Prishtinë.
“Menjëherë pas pranimit të informatave nga Policia e Kosovës, në vendin e ngjarjes kanë dalë Kryeprokurori i Prokurorisë Themelore në Prishtinë, Prokurori Kujdestar nga Departamenti për Krime të Rënda, si dhe njësitet e tjera relevante, të cilët kanë ndërmarrë të gjitha veprimet e nevojshme hetimore”, thuhet në njoftimin e prokurorisë.
Policia më tej thotë se në vendin e ngjarjes ka dalë njësia K9, me qëllim të gjurmimit të lëvizjes së personit të dyshuar.
“Prokuroria Themelore në Prishtinë në koordinim të plotë me Policinë e Kosovës, po vazhdon ndërmarrjen e veprimeve intensive hetimore dhe operative me qëllim të arrestimit të personit të dyshuar për kryerjen e kësaj vepre penale”, vijon njoftimi.
