Hetimet për vrasjen e 43-vjeçarit shqiptar në Toronto, kanë çuar në identifikimin e autorit të krimit.
Paulin Harusha, 43-vjeçari shqiptar humbi jetën pasi u qëllua me armë zjarri ndërsa ndodhej në automjet, mesnatën e 13 shtatorit.
Sipas policisë së Torontos autori i dyshuar është një 34-vjeçar banor i Torontos, Meelad Tarin. 34-vjeçari akuzohet për vrasje.
Ndërkohë ende nuk dihen shkaqet e këtij krimi të rëndë, ndërsa hetimet vijojnë për të hedhur dritë mbi ngjarjen.
