Deputeti i PDK-së, Artan Behrami, ka reaguar pas deklaratës së kryeministrit, Albin Kurti, lidhur me zhvillimet për zgjedhjen e presidentit.
“Edhe hileqar, edhe i poshtër, edhe i dehur!”, ka shkruar Behrami.
Reagimi i tij vjen pasi Kurti deklaroi se PDK-ja kishte refuzuar propozimin për mbështetjen e Bekim Sejdiut për president, ndërsa përmendi edhe Glauk Konjufcën dhe Feride Rushitin si dy emra të propozuar më herët.
Kurti po ashtu i bëri thirrje kryetarit të PDK-së, Bedri Hamza, që të deklarohet publikisht nëse i gjithë grupi parlamentar i PDK-së do të marrë pjesë në votimin për president.
