Prania e milingonave në kuzhinë është një problem i shpeshtë, sidomos kur ka ushqim të ekspozuar.
Edhe pse nuk janë të rrezikshme, ato mund të bëhen shqetësuese kur shfaqen pranë ushqimeve.
Ekspertët theksojnë se zgjidhja nuk është vetëm largimi i tyre, por eliminimi i burimit që i tërheq dhe ndërprerja e gjurmëve që ato ndjekin.
Në vend të produkteve kimike, rekomandohen metoda natyrale dhe të sigurta për familjen:
Uthull me ujë: largon milingonat dhe fshin gjurmët e tyre të aromës
Lëng limoni: çorienton koloninë dhe pengon rikthimin
Kanellë dhe erëza: aroma e fortë i mban larg
Vajra esencialë (mente, livando, pemë çaji): përdoren për të mbrojtur hyrjet dhe çarjet
Sodë buke me sheqer: përdoret si kurth natyral
Për rezultate më të mira, këto metoda duhet të kombinohen me pastrim të rregullt dhe ruajtje të mirë të ushqimit, në mënyrë që të parandalohet rikthimi i milingonave.
