Lëvizja Vetëvendosje ka rikandiduar Albulena Haxhiun për kryetare të Kuvendit, edhe pas aktgjykimit të Gjykatës Kushtetuese.
Megjithatë, Haxhiu nuk arriti të marrë votat e mjaftueshme për këtë pozitë. Në sallë ishin të pranishëm 116 deputetë, prej të cilëve 57 votuan për, 56 kundër, ndërsa tre abstenuan.
Pas këtij dështimi, në votim u hodh edhe emri i Donika Gërvallës, por as ajo nuk siguroi mbështetje të mjaftueshme për t’u zgjedhur.
Bazuar në vendimin e Kushtetueses, mbesin edhe dy tentime të tjera, pasi për të njëjtin kandidat lejohen maksimumi tri votime.
Seanca e radhës do të mbahet më 22 gusht në orën 10:00.
