Presidentja e Republikës së Kosovës, Justina Shiroka-Pula, ka reaguar pas krimit të rëndë të ndodhur në fshatin Livoç i Ulët të Gjilanit, ku mbetën të vrarë një grua dhe një burrë, si dhe u plagos një person tjetër.
Përmes një deklarate zyrtare, e para e shtetit ka shprehur dhimbjen e saj për ngjarjen tragjike, duke u dërguar ngushëllime familjarëve të viktimave dhe duke i uruar shërim të shpejtë të plagosurit.
E para e shtetit deklaroi se “Asnjë rrethanë nuk mund ta justifikojë marrjen e jetës së njeriut. Askush nuk ka të drejtë t’i ekspozojë gratë ndaj rrezikut, dhunës apo vuajtjes.”
Presidentja u ka bërë thirrje të drejtpërdrejtë organeve të drejtësisë që të veprojnë me shpejtësi dhe përkushtim për zbardhjen e të gjitha rrethanave të kësaj tragjedie dhe t’i sjellin autorët para drejtësisë.
