Një ngjarje e rëndë raportohet të ketë ndodhur sonte në Gjakovën, ku një person dyshohet se ka mbetur i vrarë.
Në bazë të informacioneve të deritanishme, ngjarja dyshohet të ketë ndodhur në lagjen “Kolonia” në Gjakovë.
Sipas këtyre informacioneve, dyshohet se i vrarë ka mbetur një person i moshës rreth 18-vjeçare.
Gazeta Insajderi ka kontaktuar Policinë e Kosovës, mirëpo deri në momentin e publikimit të këtij artikulli s’ka marrë ndonjë përgjigje.










