Një i moshuar raportohet se ka rënë nga një lartësi prej 20 metrash brenda një shpelle në fshatin Balldren të Lezhës.
Mësohet se i moshuar, identiteti i të cilit ende nuk dihet, ka humbur jetën ndërsa forcat zjarrfikëse po tentojnë të nxjerrin trupin.
Kanë qenë familjarët që kanë ngritur alarmin pasi i moshuari ishte larguar nga banesa dhe nuk ishte kthyer më.
🔊
Pas disa orësh kërkime, ai është gjetur brenda në një shpellë në malin përballë shtëpisë së tij.
Autoritetet po hetojnë për të zbardhur rrethanat e plota të ngjarjes tragjike.
