Kandidati për kryeministër nga radhët e PDK-së, Bedri Hamza, ka reaguar pas publikimit të rezultateve të para preliminare.
Hamza ka thënë se qytetarët e Kosovës treguan se besojnë në fuqinë e votës.
“Qytetarët e Kosovës treguan edhe një herë qytetari, përgjegjësi dhe kulturë demokratike. Në një proces të qetë e dinjitoz, ata dëshmuan se besojnë në fuqinë e votës dhe në të drejtën për të vendosur për të ardhmen e vendit tone”, ka thënë ai.
“Tani është shumë e rëndësishme që çdo votë të numërohet me kujdes dhe të respektohet plotësisht vullneti i qytetarëve. Demokracia nuk përfundon me hedhjen e votës në kuti, por vazhdon edhe me respektimin e saj. Le të kujdesemi së bashku që çdo votë e qytetarëve të ruhet dhe të mbrohet deri në fund”, ka përmbyllur Hamza.
