Drejtori i institutit KIPRED, Lulzim Peci, i ka reaguar VV-së, e cila po e shtyn narracionin e partitë tjera janë kundër diasporës.
Ai ka vlerësuar se nuk beson se ka njeri në Kosovë që është kundër diasporës.
Të akuzosh dikë se është “kundër diasporës”, sipas tij, në thelb do të thotë ta akuzosh se është kundër vetë familjes së tij.
“Nuk besoj se në Kosovë ka njeri që është kundër diasporës. Përkundrazi, është pothuajse e pamundur të gjesh një familje në vendin tonë që nuk e ka të paktën një anëtar të saj duke jetuar jashtë Kosovës. Prandaj, të akuzosh dikë se është “kundër diasporës” në thelb do të thotë ta akuzosh se është kundër vetë familjes së tij. Pikërisht për këtë arsye, kjo është ndoshta kauza më e shpifur dhe më e paturpshme politike në historinë e re të Kosovës”, ka shkruar Peci.
