Pas disa muajsh mungesë në rrjetet sociale, këngëtarja e njohur shqiptare, Parashqevi Simaku, është shfaqur në një video të publikuar së fundmi, përmes së cilës ka përcjellë një mesazh për shqiptarët.
Videon e ka publikuar biznesmeni Elton Ilirjani, i cili ka bërë të ditur se këngëtarja ka një mesazh për të gjithë shqiptarët.
Në pamjet e publikuara, Simaku shihet në New York, prej nga ka përshëndetur shqiptarët, duke u përcjellë fjalë dashurie dhe mirënjohjeje.
“Ju përshëndes të gjithëve nga New York, ju dua. Më shumë dashuri dhe mirënjohje, Parashqevia”, ka thënë ajo, teksa shfaqet me stil dhe elegancë.
