Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen ngjarje të tilla ku viktima zakonisht janë gratë dhe vajzat që përjetojnë dhunë psikike e fizike kryesisht nga bashkëshortët e tyre.
Kështu ka ndodhur së fundmi në një familje në Vushtrri, ku një burrë po dyshohet se ka ushtruar dhunë ndaj bashkëshortes së tij.
Rasti ka ndodhur në shtëpinë e tyre, kur plasi një konflikt verbal mes çiftit dhe burri u kap e gruan, duke e goditur disa herë e madje duke e kapur edhe për flokësh.
Sipas informacioneve të para, motivi lidhet me prerjen e flokëve të gruas, për çka i dyshuari u përplas me të, duke i kërkuar llogari pse i ka prerë flokët pa e pyetur.
Përballë kësaj situate, viktima e ka denoncuar rastin në Polici, ku ka rrëfyer detajet e asaj që kishte ndodhur.
Si rezultat i raportimit, Policia është aktivizuar por nuk ka arritur ta kap të dyshuarin.
Pas përfundimit të procedurave policore, Prokurori i Shtetit ka urdhëruar që të iniciohet rasti nën dyshimet për kryerjen e veprës penale ‘Dhunë në familje’.
