Qeveria e Republikës së Kosovës ka miratuar kërkesën e Ministrisë për Komunitete dhe Kthim për nxjerrjen në shitje të automjeteve zyrtare që janë jashtë përdorimit.
Sipas vendimit të nënshkruar nga kryeministri Albin Kurti, Ministria për Komunitete dhe Kthim është autorizuar të procedojë me shitjen e automjeteve përmes ankandit publik, në përputhje me legjislacionin në fuqi.
Në vendim thuhet se Ministria e Digjitalizimit dhe Administratës Publike obligohet t’i kryejë procedurat e shitjes përmes ankandit publik.
Pjesë përbërëse e këtij vendimi është edhe lista e automjeteve jashtë përdorimit të Ministrisë për Komunitete dhe Kthim.
Vendimi u mor tri ditë me parë dhe përmban firmën e kryeministrit Kurti.
