Mehmet Ballazhi, është konfirmuar edhe për një mandat si kryetar i Hanit të Elezit.
Kandidati i Partisë Demokratike të Kosovës, fitoi pa balotazh përballë Rufki Sumës.
Siç e do zakoni, pas fitores shpërthen festa.
Por, në traditën tonë shqiptare nuk mungojnë as të shtënat me armë zjarri.
E në këtë organizim, dikush i nxitur nga atmosfera e krijuar aty, e shkrepi disa herë revolën në ajër, e ku i pranishëm ishte edhe Ballazhi.
Lidhur me këtë ngjarje, ka reaguar edhe kundërkandidati Suma.
Nga ekipi i këtij të fundit, shprehen të shqetësuar dhe kërkojnë reagim të menjëhershëm nga Policia dhe Prokuroria.
