Një burrë ka rrëfyer se dyshimet për tradhti nisën pasi gruaja e tij e thirri me emrin e gabuar gjatë një momenti intim.
Edhe pse nuk ka prova konkrete, ai thotë se ndryshimet e papritura në sjelljen e saj dhe afrimiteti me një fqinj e kanë bërë të besojë se ajo mund të ketë një lidhje jashtëmartesore. I shqetësuar nga situata, ai ka kërkuar këshillë nga Deidre.
Rrëfimi i plotë:
Kur gruaja ime më thirri me emrin e gabuar në shtrat, instinkti më tha se ajo po më tradhtonte me fqinjin tonë.
Nuk kam asnjë provë të vërtetë, ndaj nuk dua ta përballem me akuza, por kam nevojë të di nëse dyshimet e mia janë të sakta. Kjo po më mundon pa masë.
Unë jam 44 vjeç dhe ajo është 40. Jemi të martuar prej 15 vitesh.
Jetojmë në një rrugicë pa dalje (cul-de-sac) dhe gjithmonë kemi pasur marrëdhënie të mira me të gjithë fqinjët.
Vitin e kaluar, një familje e re u shpërngul disa shtëpi më poshtë.
Gruaja ime punon nga shtëpia, kështu që është njohur mirë me ta – madje më mirë se unë.
Kohët e fundit, vura re se ajo fliste shpesh për burrin e asaj familjeje.
Edhe ai punon nga shtëpia dhe, duke qenë se merret me IT, ajo më tha se e kishte ndihmuar të zgjidhte një problem me laptopin.
Nuk i kushtova rëndësi kësaj, derisa një natë, para disa javësh, ishim në shtrat.
Po bënim seks – gjë që ndodh rrallë këto ditë – kur papritur ajo më thirri me emrin e tij në vend të timit.
Emrat tanë fillojnë me të njëjtën shkronjë.
Sapo e tha, u korrigjua dhe qeshi. Por kjo më prishi krejt humorin.
Që nga ai moment, dyshimet e mia u shtuan.
Fillova të vërej se ajo gjithmonë ka grim të plotë në fytyrë kur kthehem nga puna, edhe pse nuk ka dalë askund.
Madje ka filluar të blejë edhe fustane të reja, pasi vitet e fundit, që nga periudha e pandemisë, vishej pothuajse vetëm me tuta të gjera dhe bluza të trasha.
Një ditë pasi më ngatërroi emrin, papritur u bë shumë më e dashur se zakonisht – më puthte dhe më përqafonte sapo hyja në shtëpi. Madje deshi të bënim sërish seks.
Dhe që atëherë, nuk e ka përmendur më asnjëherë fqinjin.
Është sikur po përpiqet me vetëdije të mos e përmendë.
Çfarë mendoni se duhet të bëj?
Psikologia përgjigjet: Sjellja e gruas suaj ka ndryshuar papritur dhe kjo mund të jetë një shenjë që diçka nuk shkon.
Tani ju jeni bërë shumë i vëmendshëm ndaj çdo gjëje që ajo thotë ose bën, duke kërkuar prova që të mbështesin dyshimet tuaja.
Mos e përballni me akuza pa prova, por është e rëndësishme të flisni me të.
Zgjidhni një moment të qetë dhe tregojini se ndieni se diçka ka ndryshuar në marrëdhënien tuaj.
Pyeteni nëse është e gatshme të jetë plotësisht e sinqertë me ju.
Mendoni paraprakisht se si do të reagoni nëse ajo pranon se është e pakënaqur në martesë, ose nëse ka pasur apo ka një lidhje jashtëmartesore.
