Mbaron Big Brother VIP Kosova, mbaron edhe “miqësia” mes opinionisteve!
Raporti që nisi me rregullime të përbashkëta në hotel, përfundoi me fshirje nga Instagrami.
Ditën e finales, ra në sy se Leonora Jakupi i kishte bërë “unfollow” Olta Gixharit.
Kjo e fundit, sapo u fikën dritat e spektaklit, ia ktheu me të njëjtën monedhë. Ndonëse gjatë netëve “Prime” tensioni mes tyre u ndje herë pas here, dyshja arriti t’i mbajë mospajtimet në heshtje larg zhurmës publike.
Megjithatë, lëvizjet e fundit në rrjete sociale e konfirmojnë qartë: fundi nuk i gjeti aspak si fillimi.
