FMN ka publikuar dje një raport, ku sipas tij Kosova është vendi i dytë më i varfër në Evropë.
Sipas këtij raporti, vetëm Moldavia është më e varfër dhe menjëherë pas saj vjen Kosova, duke paraqitur gjendjen e rëndë ekonomike në Kosovë.
Në lidhje me këtë, sot është pyetur nga gazetarët ministri i Financave në detyrë, Hekuran Murati.
Ai këtë situatë e ka parë si “përparim”, ku thotë se më parë Kosova ishte e fundit ndërsa tani ka arritur të kaloj një shtet, që është Moldavia.
“Kosova ka qenë e fundit, kur ne e kemi marrë qeverisjen ne tash e kemi ngritur me lartë. Nëse shihet viteve të kaluara, deri në vitin 2019, diferenca e Kosovës me vitet e tjera ka shku duke u rrit. Pra, vendet tjera i kanë ik Kosovës, ndërsa tash lëre që e kemi ngushtu diferencën por edhe e kemi kalu një shtet dhe presim që shumë shpejtë ky trend të vazhdoj. Me qeverisje të mirë dhe punë të mira presim t’i kalojmë edhe shtetet e tjera.”, ka thënë Murati.
