Gazeta raportoi pak më parë ekskluzivisht për të shtënat me armë që ndodhën në Prishtinë, ku cak i sulmit dyshohet se ka qenë Harbim Vitija, i njohur me nofkën “Plaku”.
Raportimin e ka konfirmuar edhe Policia e Kosovës, e cila bëri të ditur se i plagosuri është dërguar për trajtim mjekësor.
“Rreth orës 21:40 kemi marrë informatën për të shtëna me armë zjarri, në rrugën “Ali Sokoli” në Prishtinë. Njësitet policore menjëherë kanë dalë në vendin e ngjarjes, nga ku është raportuar se një person është plagosur”.
“Personi i plagosur, (mashkull), është dërguar për trajtim mjekësor, ndërkohë policia ka nisur një hetim lidhur me rrethanat e këtij rasti”, tha zëdhënësi i Policisë për rajonin e Prishtinës, Enis Pllana.
